a31.1Sng 22.5, 71.1, Ais 49.23
b31.2Sng 71.2
c31.3Sng 18.2, 23.3, 25.11
d31.5Lu 23.46, Ap 7.59
e31.8Sng 18.19
f31.10Sng 32.3, 102.3
g31.12Sng 88.4-5
h31.13Jer 6.25, 20.3, 20.10, Mt 27.1
i31.16Nam 6.25-26, Sng 4.6, 67.1
j31.171 Sml 2.9, Sng 25.2, 115.17
k31.181 Sml 2.3, Sng 12.3, Ju 15
l31.19Ais 64.4, 1 Ko 2.9
m31.20Jop 5.21, Sng 27.5, 32.7
n31.211 Sml 23.7, Sng 17.7
o31.22Ais 38.11-12, Jna 2.4
p31.24Sng 27.14

Psalms 31

Bikpela i save lukautim gut tru ol man i stap aninit long em

Devit i raitim dispela song. Em i song bilong man i bosim musik.

1Bikpela, a mi kam long yu
bai yu lukautim mi.
Yu mas helpim mi.
Yu no ken larim ol birua
i daunim mi.
Yu stretpela olgeta.
Kisim bek mi
na bai mi no inap bagarap.
 2Yu b mas harim prea bilong mi,
na kisim bek mi kwiktaim.
Yu stap olsem bikpela maunten ston
mi ken hait long en.
Na yu mas banisim mi gut,
bai mi stap gut
na ol birua i no inap daunim mi.

3Tru c tumas, yu olsem
ples hait bilong mi
na yu lukautim mi.
Yu go pas long mi
na bringim mi i go
long gutpela rot,
olsem yu bin tok bipo
long mekim.
 4Ol birua i bin putim umben
bilong holimpas mi.
Yu mas lukautim mi
bai mi no kisim bagarap long en.
Long wanem, yu tasol
yu ples hait bilong mi.
 5Mi d putim spirit bilong mi
long han bilong yu.
Bikpela, yu God
bilong mekim pasin tru tasol,
yu kisim bek mi pinis.

6Yu no save laikim tru
ol man i save lotu
long ol giaman god.
Tasol mi bilip long yu.
 7Yu sori long mi oltaim,
olsem na mi amamas long yu.
Yu lukim dispela hevi bilong mi,
na yu save long olgeta trabel
i kamap long mi.
 8Yu e no bin larim ol birua
i kalabusim mi.
Yu bin helpim mi na mi stap gut.

9Bikpela, yu mas marimari long mi.
Mi gat bikpela hevi.
Mi krai planti
na ai bilong mi i solap pinis.
Ol bun bilong mi i slek olgeta.
 10Bel f hevi bilong mi yet
i sotim laip bilong mi.
Mi krai tumas,
olsem na mi no inap
i stap longpela taim.
Mi gat bikpela hevi moa,
olsem na strong bilong mi i pinis,
na olgeta bun bilong mi
i wok long bagarap.

11Ol birua i save tok bilas long mi.
Ol wantok i tok nogut long mi,
na ol pren bilong mi
i pret nogut long mi.
Mi wokabaut long rot,
na ol man i lukim mi ol i ranawe.
 12Olgeta g man i lusim tingting long mi
olsem ol i save lusim tingting
long man i dai pinis.
Mi olsem sospen graun i bruk
na ol i tromoi pinis.
 13Mi h harim planti birua
i tok baksait long mi.
Ol i laik pretim mi moa yet.
Na ol i bung wantaim na pasim tok
bilong mekim nogut long mi.
Ol i tok long kilim mi i dai.

14Tasol maski.
Bikpela, mi save bilip long yu.
Mi tok olsem, yu God bilong mi.
 15Oltaim mi save stap
long han bilong yu.
Yu mas kisim bek mi
long han bilong ol birua
na bilong ol man i ranim mi.
Nogut ol i bagarapim mi.
 16Mi i wokman bilong yu,
na yu ken marimari long mi.
Yu save laikim mi tumas,
olsem na yu kisim bek mi.
 17Bikpela, j mi singaut long yu
bai yu helpim mi.
Yu no ken larim ol birua i winim mi.
Tasol ol man nogut i ken bagarap.
Ol i ken i dai na go
long ples bilong ol man i dai pinis,
na maus bilong ol i ken pas.
 18Ol k dispela man i save bikhet
na tok bilas,
na tok nogut
long ol stretpela man.
Ol i tok giaman tasol.
Yu mas bagarapim ol
na maus bilong ol bai i pas tru.

19Yu l save mekim gutpela wok tru
bilong helpim ol man
i stap aninit long yu.
Yu save lukautim gut
ol man i bilip long yu.
Yu save helpim ol moa yet
long ai bilong olgeta manmeri.
 20Yu m save haitim ol dispela man
klostu long yu,
na ol man i pasim tok
bilong kilim ol,
ol i no inap.
Yu save haitim gut ol dispela man
i stap aninit long yu,
na tok nogut bilong ol birua
i no inap daunim ol.

21Litimapim n nem bilong Bikpela.
Em i givim bel bilong em moa yet
long mi.
Taim ol birua i raunim mi
na i laik bagarapim mi,
em i helpim mi
long strong bilong en
na mi stap gut.
 22Bikpela, o bipo mi pret tru
na mi ting yu rausim mi pinis
na mi no moa i stap
klostu long yu.
Tasol yu harim krai bilong mi
na yu helpim mi
taim mi singaut long yu.

23Ol manmeri bilong God,
yupela i mas laikim em tru.
Em i save lukautim gut
ol manmeri i bihainim em.
Tasol em i save bekim pe nogut
long ol manmeri i save bikhet.

24Yupela p olgeta manmeri
i bilip long Bikpela,
yupela sanap strong,
na bel bilong yupela
i ken kisim strong oltaim.
Copyright information for TPI